ಮಾಡ್ರನ್ ಸರ್ಚ್
ಅವಳ ಪ್ರೀತಿಯ ಬಗ್ಗೆ ಇಂಟರ್ನೆಟ್ನಲ್ಲಿ
ಮಾಹಿತಿ ಇಲ್ಲ
ಎಲ್ಲೋದಳು ಎಂದು ಹುದುವಲ್ಲಿ ಹುಡುಕುವಲ್ಲಿ
ಗೂಗಲ್ ಸೋತಿದೆ
ಫೇಸ್ ಬುಕ್ಕಿನಲ್ಲಿ ಅವಳ ಮುಖ ಕಾಣುತ್ತಿಲ್ಲ ಕಾಲ್ ಮಾಡಿದರು ರೀಚ್
ಅಗದಿರುವಷ್ಟು ದೂರ ಹೋಗಿದ್ದಾಳೆ
ತಿರುಗಿ ಬರುತ್ತಾಳೆಂಬ ಸಿಗ್ನಲ್ ಸಿಗುತ್ತಿಲ್ಲ
ಮಾತಿಗೆ ಬೆಲೆ ಇದ್ದದ್ದು
ನಿಮಿಷಕ್ಕೆ ಮೂವತ್ತು ಪೈಸ
ಅದರ ಅವಧಿ ಈಗ ಮುಗಿದಿದೆ
ಇನ್ ಬಾಕ್ಸ್ ನಲ್ಲಿ ಎಂದೋ
ಅವಳು ಕಳಿಸಿದ್ದ ಸ್ವೀಟ್ ನಥಿಂಗ್ ಮೆಸೇಜ್
ಓದುತ್ತ ಕೂರುವ ಆಸಕ್ತಿ ನನಗಿಲ್ಲ
ಮತ್ತೊಂದು ಸಾಂತ್ವನದ ಮಡಿಲಿಗಾಗಿ
ಕೈ ಚಾಚುತ್ತೇನೆ
"ಬಡ್ಡಿ ಮಗನೆ ನಿಂದು ಇದೆ ಆಯ್ತು "
ಎಂದು ಮನಸ್ಸು ರೇಗುತ್ತದೆ
ನಾನು ತುಟಿಯಂಚಿನಲ್ಲಿ ನಗುತ್ತೇನೆ . . .!
No comments:
Post a Comment